Советскай Союз Геройа Николай Николаевич Чусовской аатын сүгэр Антоновка орто оскуолата урут-уруккуттан олус киэҥ, дириҥ, баай историялаах оскуола буолар. Антоновкаҕа оскуола аан бастаан 1912 сыллаахха төрүттэммитэ. Билигин оскуолабыт 106 саастаах кырдьаҕас оскуола. Манна араас кэмҥэ олус үлэһит, үлэлэригэр бэриниилээх директордар, учууталлар оҕо туһа диэн үлэлээн-хамсаан ааспыттара. Итиччэ сыл тухары араас таһымнаах олимпиадаларга, куонкурстарга, быыстапкаларга, фестивалларга, спартакиадаларга элбэх ситиһии, кыайыы үгүс этэ. Араас кэмнэргэ биһиги оскуолабыт үөрэх чааһыгар бастакынан элбэх сонуну, саҥаны үөрэтэн олоххо киллэрбитэ, ол курдук бастакынан үөрэххэ кабинетнай система киирбитэ, «Букчай» диэн үлэ-сынньалаҥ лааҕыра, лесничество, агитбригада тэриллэн үлэлээбитэ, ону таһынан «Ойуур оскуолата», “Большая школьная олимпиада”, «Ньургуһун бырааһынньыга», «Ночь в школе» үгэскэ кубулуйбута, уол кылааһа тэриллибитэ, «Саһарҕа» телестудия, «Ситим» оскуола хаһыата үлэтин саҕалаабыта, ЮНЕСКО ассоциированнай оскуолаларын ситимигэр үлэ, «Сонор» интеллектуальнай оонньуу олоххо киирбитэ. Хара маҥнайгыттан биһиги оскуолабыт салайааччыларыгар табыллыбыта. Директордартан биир бастыҥнара, Захаров Афанасий Титович, 70-80сс. олус үчүгэй проегы саҕалаабыта: оскуола выпускниктарын үөрэммит оскуолаларыгар үлэлэтэ ыҥырыы. Күн бүгүн үөрэммит-иитиллибит оскуолаларыгар 40-ча выпускник учуутал таһаарыылаахтык үлэлии-хамсыы сылдьар. Бүгүҥҥү күҥҥэ биһиги оскуолабыт республикаҕа биир биллэр- көстөр, бастыҥ үлэлээх оскуолалар истэригэр сылдьарынан биһиги киэн туттабыт.
Оскуола 1999 сылтан «Ситим» программанан, нэһилиэк иһигэр баар «Ромашка», «Биһик» оҕо садтарын, «Түһүлгэ» НАДь, МТС «Агро-Ньурба» тэрилтэлэри кытта биир сайдыы программатынан салайтаран үлэлии-хамсыы сылдьабыт.
2003 с. Саха республикатын агропрофилированнай оскуолаларын союһун чилиэнэ;
2003 с. республикаҕа үлэ лааҕырдарын көрүүгэ -Кыайыылаах;
2008 с. инновационнай проектары уонна программалары үлэлэтэн Саха республикатын президенин Гранынан бэлиэтэммитэ;
2012 с. ЮНЕСКО ассоциированнай оскуолата;
2012 с. «ЕВРОТАЛАНТ ФИДЖИП» бүтүн аан дойдутааҕы ситимин чилиэнэ;
2015 с. «100 лучших школ России» конкурс Лауреата.
2017 с. Республикаҕа тыа хаһаайыстыбатын выставка-ярмаркатыгар кыттан III миэстэлэнэн тыа хаһаайыстыбатын министерствотын мэтээлинэн наҕараадаламмыта, «Урожай-2017» быыстапкаҕа «Экзотическая культура» диэн номинациялаах.
2018с. Үөрэх министиэристибэтин №01-10/557 бирикээһинэн «Образовательный портал «Открой себя!» КРИП, МИП проегынан үлэлиир;
2018-2022сс “Оҕо сааһым хараабыла” оскуола сайдыытын программатынан улэлиир. Агрооскуола буоларбыт быһыытынан материальнай техническэй өттүнэн: ПАЗ автобус-1, МТЗ 82 трактор-1, оскуола бэйэтэ пришкольнай-тепличнэй хаһаайыстыбалаах, Букчай оҕо сынньалан үлэ лааҕырдаах, от охсор ходуһалаах. Манна барытыгар алын сүһүөхтэн саҕалаан 10 кылааска дылы саастаах оҕолор хабыллан үлэҕэ сысталлар. Үүннэрбит үүнээйилэрин күһүн оройуоҥҥа, куоракка ыытыллар агрооскуолалар икки ардыларыгар ыытыллар тыа хаһаайыстыбатын быыстапкаларыгар ситиһиилээхтик кыттабыт. Ордубут үүнээйини нэһилиэнньэҕэ атыылыыбыт. Кыһынын оскуола остолобуойугар оҕо күннээҕи аһылыгын рационугар киллэрэн аһыыллар. 2019 cылтан тигээйини көрүүнэн дьарыктанабыт. Бу биһиэхэ сонун саҕалааһын буолла. Мунньубут мүөппүтүн «Антоновский мед» диэн ааттаан нэһилиэнньэҕэ, куоракка выставкаҕа илдьэн атыылаан баһаам дохуоду ыллыбыт. Онон бу дьарыкпытын быйыл да салҕыыр былааннаахпыт.
Оскуола директора – Тогонохов Егор Николаевич, Саха Республикатын үөрэҕириитин туйгуна, Ньурба оройуонун Октябрьскай нэһилиэгин депутата. Кини «За вклад в развитии Союза агрошкол РС(Я» ) түөскэ анньыллар бэлиэ , Саха Республикатын Госкомспордун бэлиэ хаһаайына, Лучший уполномоченный по охране труда Федерации профсоюзов РС(Я), үүнэр көлүөнэни иитиигэ-үөрэтиигэ уонна агротехнологическэй үөрэтиигэ кылаатын иһин Саха Республикатын Ил Түмэн грамотатынан наҕараадаламмыта, интеллектуальнай оонньууларга маастарга кандидат.
Васильева Ольга Афанасьевна- зам.директора по УМР;
Иванова Марианна Михайловна- зам.директора по УМР;
Иннокентьева Анна Алексеевна- зам.директора по УВР;
Николаева Мария Андреевна- зам.директора по УВР;
Иванова Алена Афанасьевна- зам.директора по ВР;
Сентизов Семен Русланович-зам.директора по безопасности;
Николаев Николай Александрович- зам.директора по производству.
Бүгүҥҥү күҥҥэ оскуолаҕа 627 оҕо үөрэнэ-сайда сылдьар. 29 кылаас-комплект баар , барыта 117 үлэһит баар, онтон 71 учуутал, ол иһигэр 18 эдэр учуутал, 4 педсемья. Оскуола кадрдарынан толору хааччыллыылаах: 8 педслужба, 2 психолог, 2 соцпедагог баар.
2004 сылтан Антоновка орто оскуолата биир дойдулаахпыт, Советскай Союз Геройа Николай Николаевич Чусовской аатын сүгэр.
Н.Н.Чусовской ыам ыйын 10 күнүгэр 1910 сыллаахха Куочай сиригэр Александровка дэриэбинэҕэ дьадаҥы дьиэ кэргэҥҥэ төрөөбүтэ. 5 кылаас үөрэхтээх. 1926 сыллаахха Комсомол кэккэтигэр киирбитэ.
Кыһыл Армияҕа 18 сааһыттан сулууспалаабыт кадровай офицер сэрии иннигэр Омскайдааҕы байыаннай-пехотнай училищены бүтэрбитэ. Онтон Дальнай Востокка сулууспалыы сырыттаҕына Арҕааҥҥы фроҥҥа ыҥырар бэбиэскэни туппута. Ити кэмҥэ Николай Николаевич гвардия капитана званиялаах этэ. Суворов уонна Богдан Хмельницкай орденнаах 57-с Ново-Бугскай гвардейскай стрелковай дивизия, Суворов орденнаах 172-с Кыһыл Знамялаах гвардейскай стрелковай полка батальонун командирынан анаммыта.
Муус устар 17 күнүгэр уһулуччу хорсун быһыыны Н.Н. Чусовской хамаандалыыр саллааттара Берлин чугаһынааҕы Зееловскай үрдэллэри штурмалааһыҥҥа уонна Зеелов куораты ылыыга көрдөрбүттэрэ. Ол хорсун быһыытын иһин Н.Н. Чусовскойга ССРС Верховнай Советын Президиумун Укааһынан Советскай Союз Геройун аатын иҥэрбиттэрэ.
Күн бүгүн Ньурба оройуонун дьоно-сэргэтэ Герой уолбут аатын чиэстээхтик тутабыт. Ол курдук, кини аатын сүгэр Антоновка орто оскуолатыгар кини төрөөбүт күнүн сыл ахсын өрө көтөҕүллэн бэлиэтиибит. Онно аналлаах кылаас чаастара, торжественнай линейка, көрсүһүүлэр буолаллар. Төрөөбүт Куочайын сиригэр, оскуолабыт тэлгэһэтигэр Герой бюстара уонна Бүлүү өрүс үрдүгэр, дьон-сэргэ мустар сиригэр, Геройга аналлаах скверга Н.Н.Чусовской памятнига нэһилиэкпит киэн туттуута буолан турар. Ону ааһан,
күннэтэ сайда-силигилии турар нэһилиэкпит биир сүрүн уулуссата Герой Чусовской аатын сүгэр.
2004 сыллаахха «Герой Советского Союза майор Чусовской» диэн Д.С.Бубякин кинигэтэ тахсан биһиги нэһилиэк дьоно-сэргэтэ махталбыт улахан, үөрүүбүт үгүс.
Бу үөрэх сылыгар оскуолабыт Улуу Кыайыы 75 сыллаах юбилейын көрсө иитэр-үөрэтэр суолталаах араас тэрээһиннэри үөрэх сыла саҕаланыаҕыттан тиһигин быспакка былааннаан үлэлиир. Олортон сүрүнүн ааттыр буоллахха: «Ветераны живут рядом» проегынан кылаас чаастара буолбуттара уонна тимуровскай хамаандалар тахсан үлэлээбиттэрэ; «Кыайыы Чорооно” акция ; аҕыйах хонуктааҕыта патриотическай хоһоон, ырыа күрэҕэ «Строки, рожденные в боях» өрө күүрүүлээхтик буолан ааспыта; Кыайыы күнүгэр аналлаах оройуоҥҥа ыытыллар үгэс буолбут Сүүрүү Эстафетатыгар биһиги оскулабыт хамаандата сылын аайы бастыыр; ыам ыйын 9 күнүгэр «Бессмертный полк» акция; Герой Н.Н.Чусовской төрөөбүт күнүн ыам ыйын 10 күнүгэр оройуон үрдүнэн араас тэрээһиннэринэн түмүктэниэхтээх.